Hariring-Dadang-HPDitulis ku: DADANG H PADMADIREDJA

UMAT manusa, komo kaum mus­limin mah, pastina apal ka Imam Ghazaly, ahli filsafat jeung tasawuf anu kacida kakoncarana.

Malah pikeun kaum Muslimin mah, Imam Ghazaly tèh beunang disebutkeun hujahna umat Is­lam. Sakumaha anu dimuat dina sababaraha situs jeung blog dina internet, aya obrolan mantenna sareng para murid anu ngandung nasèhtat jeung pangajaran sakitu luhungna.

Sawaktos Imam Ghazaly naro­skeun naon anu pangdeukeutna jeung diri urang di dunya ieu, murid-muridna ngajawab, ind­ungbapa, guru, babaturan jeung dulur-dulur.

Anjeunna, ngalereskeun sadaya waleran para muridna, mung saur­na anu pangcaketna mah , maot, sa­bab sakumaha jangji Allah yèn anu nyawaan pasti bakal maot kaunggel dina Surah Al Imaran 185.

Patarosan kadua, anu pang­jauhna di dunya ieu, para muridna ngawaler, Negri Cina, Bulan, Ma­tahari sareng Bèntang-bèntang. Waler Imam Ghazaly, sakabèh jawaban èta teu salah, tapi anu pangleresna tèh mangsa katukang. Sabab naon waè kandaraan urang, moal mungkin bisa balik deui, nga­jugjug ka alam ka tukang. Kusabab kitu, anu perlu dijaga tèh nyaèta poè ieu, jeung nu bakal datang sarta ngalakonana saluyu jeung aturan agama.

Nalika, anjeunna naroskeun anu pangbadagna, para murid nga­jawab, gunung, matahari, bumi. Al Imam, angger ngalereskeun tapi anu pangleresna tèh nyaèta hawa nafsu, kumargi hawa nafsu anu teu dijaga bakal mawa diri urang ka naraka.

BACA JUGA :  DPRD Kabupaten Bogor Minta Pengembang Metland segera Serahkan PSU Ke Pemda

Kitu ogè dina patanyaan sèjènna, anjeunna teu nyalah­keun, namung masihan keteran­gan kayaning anu pangbeuratna tèh, nyepeng amanah, anu pang­hampangna saur anjeunna, ning­galkeun shalat, sabab ngan saukur ngagugulung dunya, loba anu ning­galkeun shalat, sedeng anu pang­seukeutna saurna, lètah manusa, kumargi, lètah mah gampil pisan nganyenyeri hate manusa sareng raraosan dulurna sorangan.

Ku patarosan èta, saleresna Imam Ghazaly tèh keur nga­nasèhatan para muridna jeung kaum muslimin yèn saenya-enya­na urang kudu ngalobakeun amal ibadah sabab sabenerna maot èta tèh kacida deukeutan.

Taya bèja, taya carita samèmèhna, sarta kudu bisa nga­gunakeun waktu sakumaha mis­tina jeung saalus-alusna, tur sing ati-ati jeung hawa nafsuna, sabab bisa mawa jalma tikunclung kana naraka anu panghinana.

Ogè dina urusan nyekel ama­nah kudu sing iatna, waspada ulah nepi ka hianat. Ngeunaan anu pan­ghampangna, ninggalkeun shalat.

Sabab ninggalkeun shalat mah leuwih hampang ti batan kapas. Malah jeung Kang Endang mah, lamun geus sakali wè ninggalkeun shalat, sok kateterusan, kadituna manggih kani’matan shalat mang­sa geus teu ngalakonan shalat.

Sora panggero lima kali anu sakitu harusna tèh, ih teu kadèngè wè. Manusa anu kitu geus poho kana kawajibanna di dunya, sabab pangna manusa jeung jin dicip­takeun ku Allah SWT, taya deui iwal ti sina ibadah.

BACA JUGA :  55 ASN Pemkot Bogor Dilantik, Dedie Rachim: Beri Pelayanan Terbaik untuk Masyarakat

Komo deui pan shalat mah tihang agama, lamun jalma teu migawè shalat lir ibarat ngaruksak tihangna jeung dirina sorangan. Sabab patokan nilèy ibadah nu sèjèn tèh pan shalat, lamun jalma henteu shalat, ibadah sèjènna jadi taya gunana pisan.

Lamun lila teuing teu migawè shalat, bari jeung teu ngarasa salah, asa teu boga dosa, lila-lila hate jadi geumeuk maleukmeuk, kadituna beuki teuas lila-lila ngabatu dina narima bebeneran ti Allah SWt.

Komo lamu geus nepi ka di­poèkeun mah, Audzubillah sum­ma audzubillahimindzalik. Di jaman baheula, barudak leutik atawa rumaja remen “arulin jeung sarè” di tajug (masjid leutik).

Sakurangna lamun cicing (sarè) di masjid mah, bakal kaajakan shalat sarta remen ngadèngèkeun kalimah-kalimah suci.

Numatak teu anèh lamun anu deukeut ka masjid (lain pèdah imahna sisi masjid), gampang pisan dina diajar kaagamaan, atawa dina sasarna ogè tara jauh teuing, sok aya nu ngageuingkeun.

Beuki kadieu ayeuna mah, masjid tèh beuki ditutup pikeun umatna sorangan, dibukana ukur dina waktu-waktu shalat wungkul. Panyababna? teu kudu dijawab urang ogè pasti surti lah, palebah dinyana mah.

Patanyaanna rèk nepi ka iraha, sabab barudak ayeuna leuwih re­sep nongkrong di jalan ti batan cic­ing di masjid. Komo deui ayeuna mah disadiakeun taman anu ka­cida lobana tah !

============================================================
============================================================
============================================================