Hariring-Dadang-HPDitulis ku: DADANG H PADMADIREDJA

KEUR anteng ngalamun bari nem­pokeun tangkal rambutan hare­upeun imah anu ngan kari daun­na, sabab buahna mah geus bèak paheula-heula jeung lalay anu mahabu unggal peuting, kadèngè di imah tatangga sabeulah aya nu nyetèl, Sahibul Hikayat, Ki Arief Balap anu keur ngalalakonkeun Ki Ahmad anu kakoncara ku ko­pèah beureum tèa.

Nya tibatan ngalamun teu pu­puguh, mending ngadèngèkeun, Sahibul Hikayat ah. Lalakon Ki Ah­mad anu dicaritakeun ku Kiai Arief Balap tèh, nyaèta budak anu kata­langsara kusabab indung bapana jalma teu boga, geus kitu bapana Ahmad tèh ngedul jeung pagawèa­nana tukang ngadukeun hayam.

Ahmad anu saterusna jadi santri boga pasantrèn sarta nikah jeung anakna Kiai, hirup bagya sa­bab pengkuh kana agamana, sabar darana jeung pinuh kaihlasan dina ngajalankeun kahirupan sapopoè­na. Carita Ahmad ieu ngaguluyur, bari reumbeuy ku nasèhat ngeu­naan kaagamaan, sarta dipapaès ku gaya Ki Arief Balap, anu saka­peung caritan tèh dilagukeun.

Mani asa gantung dèngèeun, lalakon Ki Ahmad tèh, asa mulang ka alam baheula, sabab Sahibul Hikayat model kitu tèh kungsi ka­koncara di taun 70 jeung 80-an. Malah harita mah anu hajat, boh ngawinkeun atawa nyunatan, sok nanggap Kiai Balap, lain ngan di Bogor wungkul tapi nerekab ka wewengkon Jawa Barat sèjènna.

Kiai Balap ogè dina sela-sela hikayatna sok nyelapkeun Shala­wat Nuril Anwar, anu unina kieu, Allohuma solli ala nuril anwar wasyiril asror, watir yafil ahyar…. jstna. Ah, pokona mah, matak pogot, sanajan ngan saukur nga­gunakeun kakuatan sora (ver­bal), teu ditambahan ku parabot lianna. Ki Arief Balap anu ling­gihna di wewengkon Cemplang, ayeuna tos taya dikieuna, nemo­nan panggero ka Nu Maha Agung. Tapi sanajan kitu, soanten jeung namina mah angger aya dina hate urang Bogor.

BACA JUGA :  Kecelakaan Maut di Palembang, Mobil Innova Tabrak 3 Motor

Teuing kabeneran, atawa mè­mang geus takdir ti dituna, anu (di)ngaran (an) Arief, pinter pisan nyarita, diantarana aya Mama Arief Hidayat, tukang dongèng anu di jamanna mah, kawilang kawèntar. Di tingkat nasional aya DR. Arief Rachman anu ogè re­men kacida pinter nyarita anu aya patalina jeung dunya pendi­dikan sarta agama.

Ki Arief Balap, Arief Hidayat, di jamanna kacida kakoncara, malah dongèng-dongèng Si Ri­weuh jeung nu lianna, nepi ka bisa ngarobah kabiasaan kaum ibu. Teu saeutik kaum ibu di ja­man harita anu masak samèmèh waktuna, pikeun dahar sore tèh diusahakeun jam tilu geus rèngsè, sabab rèk ngadèngèkeun Dongèng Enteng Pasosorè.

Mama Arief Hidayat anu ay­euna masih kènèh ngadongèng, kungsi jadi idola pikeun kaum ibu, malah loba anu ngahajakeun daratang ka studio, ngan saukur hayang kapanggih atawa anakna anu dijero beuteung kènèh hayang dijiadan.

BACA JUGA :  Komplotan Pelaku Pencuri Pikup L300 di Kota Bogor Berasal dari Parung

Kakuatan dua Arief di Bogor ieu, pastina lain kabeneran, sabab sakumna mahluk anu digubrag­keun ka alam dunya taya anu ka­beneran, tapi rencana Nu Maha Hy­ang Widi. Lamun Ki Balap, leubeut ku nasèhat agama, sarta “nyiwit” nu ngadarengèkeun karasa tapi teu matak nyeri, sabab kasangtukang­na pasantrèn jeung ulama, Arief Hidayat mah, mangsa keur nga­dongèng bisaeun nepi ka 18 sora, ti mimiti aki-aki, nini-nini, parawan, bujangan jeung nu lianna.

Malah ceuk nu mikaresepna, lamun di jaman harita aya pamili­han Bupati jeung Walikota, lang­sung kawas ayeuna, Mama Arief mah teu kudu kampanyeu, sabab geus kaceluk ka awun-awun ka­koncara ka janapria.

Dongèng Mama Arief dina mangsana, tètèla aya tapakna, sabab mangsa aya riungan atawa pasamoan, sawaktu diwanoh­keun ka nu hadir, yèn di dinya aya Mama Arief Hidayat anu ahli ngadongèng tèa, umumna pada arapaleun, komo anu saentragan kuring jeung saluhureun mah.

“Oh ieu Mama Arief Hidayat tèh, kapungkur mah mung terang soantenna wungkul,”pokna tèh bari terus ngajak sasalaman. Hè­bat puguh ogè, ngan hanjakal nu raresepeunna tèh ukur inin-inin jeung ika-ika wungkul. Jaman mè­mang geus bèda, baheula jeung ayeuna. Ieu mah susuganan, la­mun boga anak lalaki hayang pinter nyarita, ngaranan Arief. Sugan kitu ogè !

============================================================
============================================================
============================================================