Hariring-Dadang-HPDitulis ku: DADANG H PADMADIREDJA

NGARAN Juanda atawa Ir. Haji Juanda, pastina geus teu bireuk deui, jadi ngaran jalan utama boh di kota-kota gedè, kota sed­eng atawa kota leutik. Di Kota Bogor, Jalan Juanda mangrupa jalan protocol nyambung ti Jalan Jendral Sudirman nepi ka Jalan Siliwangi. Nu jadi patanyaan saha Ir. Haji Juanda, urang mana jeung kumaha ketak atawa perjoan­ganna, nepi ka dijadikeun ngaran jalan di mana-mana.

Nitènan kadinya pastina lain jalma sagawayah, pasrina ogè geus kacatet jadi pahlawan nasi­onal. Sabab lamun ngan saukur pahlawan daèrah, ayana ngan saukur di kota èta wungkul, ka­was Kapten Muslihat, Dasuki Bakri, Saptaji jrrd. Numutkeun catetan, Ir. Haji Juanda lengkepna Ir. Haji Juanda Kartawidjaya, dila­hirkeun di Tasikmalaya dina tang­gal 14 Januari 1911, lulusan Tech­nise Hogeschool (Sakola Tinggi Teknik) anu ayeuna jadi Institut Teknologi Bandung (ITB).

Karirna di widang potitik kawilang nyongcolang, kungsi sababaraha kali jadi Menteri di­antarana Menteri Perhubungan, Pengairan, Kemakmuran keuan­gan jeung Pertahanan di jaman Presiden Soekarno. Salah sahiji sikepna anu kawilang teuneung mangsa merhatikeun yèn wates wewengkon teritorial ngan sau­kur 3 mil anu diukur tina sisi ba­sisier laut anu pangdèètna. Lan­taran nagara Indonesia nagara kapuloan, pulo-pulo anu aya di Nusantara anu asup kana Naga­ra Kesatuan Republik Indonesi (NKRI) dipisahkeun ku wates laut Internasional.

Lamun nagara-nagara nu lian, kawas Amerika, Australia boga kapentingan pikeun ngajorag nagara Indonesia, gampang pisan nyulusup asup sarta cicing dina wates laut Internasional. Kayaan kitu geus pasti kacida ngabahay­akeun kadaulatan nagara urang, ceuk pamikiran Perdana Menteri Juanda. Juanda anu harita nyang­king jadi Pedana Menteri kalayan teuneung ludeung ngalawan nagara-nagara maju sarta nyieun Deklarasi Juanda anu dibèwara­keun ka dunya luar dina tanggal 13 Desember 1957.

BACA JUGA :  SPBU di KM 42 Rest Area Tol Japek Disegel Usai Melakukan Kecurangan

Deklarasi Juanda ieu negeskeun yèn saukur wahan­gan jeung laut (perairan) anu aya di sakuriling bungking sarta ngahijikeun pulo-pulo anu asup kana wewengkon daratan atawa lemah cai Republik Indonesia, kalayan henteu nempo legana, sakabèhna mangrupa bagèan ti Nagara Republik Indonesia. Sak­abèhna èta mangrupa bagèan tina bagèan perairan pedalaman jeung peairan national, lain inter­nasional.

Deklarasi ogè negeskeun yèn panangtuan wates laut anu ngan saukur 12 Mil saluma­ha hukum laut Internasional nyaèta Territoriale Zee Mari­tiem Kringen Ordonantie bakal diatur deui ku undang-undang. Kaputusan ieu geus pasti meu­nang hahalang ti Amerika jeung Australia. Perjoangan Juanda ieu ahirna diteruskeun ku Prof. Muchtar Kusumaatmadja jeung Prof. Dr. Hasyim Djalal ngali­watan jalan diplomasi anu teu eureun- eureun.

Konsep Nagara Nusantara ieu ahirna bisa ditarima sarta ditetep­keun dina Konvensi Hukum Laut PBB, United Nation Convention on Law of The Sea (UNCLOS) dina taun 1982. Ku ayana kaputusan ieu, nagara Indonesia jadi nagara maritim panggedèna sa-dunya sarta mibanda wewengkon laut anu legana kurang leuwih 5,8 juta KM2 sarta tilu parapet tina lega sakabèhna.

BACA JUGA :  Kecelakaan 2 Remaja Boncengan Motor di Polman Sulbar Tewas usai Tabrakan dengan Truk

Di jero wewengkon ieu, aya sakurangna 17 500 pulo sarta panjang basisirna 61.00 KM, no­mer dua saentas Kanada. Deklr­arasi Juanda ieu mibanda pan­garuh anu kawilang luarbiasa kana geo politik jeung kaayaan strategis pikeun kasatuan jeung persatuan sarta kamajuan Indo­nesia. Deklarasi Juanda ogè bisa disebutkeun tihang utama dina wangunan NKRI. Ir. H. Juanda ogè abdi nagara jeung abdi masara­kat, anjeunna PNS anu pantes di­jadikeun conto. Ti saprak lulus ti ITB taun 1933, Juanda leuwih mil­ih jadi guru di SMA Muhammadi­yah Jakart kalayan gajih saayana. Kurang leuwih opat taun Juanda gawè di pamarèntahan, tegesna di Jawatan Irigasi Jawa Barat, salian ti èta ogè aktif jadi anggota Dewan Daerah Jakarta.

Juanda kungsi ngageun­jleungkeun Pamarèntahan Je­pang, basa dina 28 September 1945 mingpin para pamuda ngarebut Jawatan Kareta Api ditu­luykeun ku ngarebut Jawatan Per­tambangan Kutapraja. Kareside­nan sarta obyèk-obyèk militer di Gudang Kidul Bandung. Teu lila ku Pamarèntahan RI, Juanda di­angkat jadi Kepala Jawatan Kare­ta Api Jawa Madura, jadi men­teri Perhubungan ogè ngajabat Menteri Pengairan, Kemakmuran Keuangan sarta Pertahaan. Loba kènèh. Sanajan loba pisan jasana, teu loba buku anu nyaritakeun perjuangan Juanda Kartawidjaya.

(ti sababaraha sumber)

============================================================
============================================================
============================================================