Hariring-Dadang-HPDitulis ku: DADANG H PADMADIREDJA

TEU salah ceuk agama jeung darigama, anu pangtengtrem jeung ni’matna hirup tèh akur jeung batur sa-kasur, batur sa-sumur, salembur wè heula, ulah waka jauh-jauh sa-gubernur. Akur jeung batur sa-kasur mah komo deui, sabab lamun keur gètrèng bakal ripuh sagalana, wah po­kona mah, matak teu bisa sarè lamun geus aya gencatan senjata jeung batur sa-kasur mah nya.

Tapi ngaranna hirup mah, afdolna akur jeung sasaha ogè, sabab lamun boga musuh, dunya karasana beuki sempit atawa heu­reut. Ku akur mah sagalana tèh bisa disawalakeun kadituna bisa gawè bareng.

“Pan anak tèh, hasil gawè bareng lin,” ceuk Kang Aniel basa papanggih di Pasar Warung Jam­bu, harita anjeunna keur ngabo­rong mie golosor, aya kana lima kilona, cenah mah rèk ngayakeun buka puasa bareng di lemburna.

Ceuk paribasana mah, boga babaturan sarèbu can cukup, musuh mah hiji ogè loba teuing. Jeung batur sasumur, meureun tatangga anu dareukeut, pangna disebut batur sa-sumur tèh meu­reun baheula mah, sumur tèh dipakè mandi, atawa nyeuseuh babarengan, sakurangna sanajan mandina mah di imahna sèwangt-sèwangan, ari nyokot caina mah nya di tempat (sumur ) anu sarua.

Atawa ayeuna mah, sanggeus diwangun MCK tèa meureun anu disebut batur sasumur tèh geus kudu diganti ku batur sa-MCK. Kitu ogè jeung batur sa-lembur, kumaha lamun “musuh” tèh aya di jalan pangliwatan, meureun la­mun embung papanggih tèh kudu nèangan jalan sèjèn. Komo anu keur jadi musuha tèh ahli maas­jid, atawa ahli musholla, matak sangheuk ka masjid atawa ka musholla, antukna, katinggaleun shalat berjamah jeung tarawèh.

BACA JUGA :  Timnas Indonesia Menuju Vietnam, Lanjutan Kualifikasi Piala Dunia 2026

“Hirup runtut raut sauyu­nan, lain waè dinasèhatkeun ku agama wungkul, dalah karuhun urang ogè nitahna tèh akur jeung sasama. Nepi ka aya paribasa nu jauh urang deukeutkeun, geus deukeut urang urang layeutkeun, geus layeut urang paheutkeun. Malah dina keur pangantènan mah jelas pisan du’ana tèh, run­tut raut sauyunan, kacai jadi saleuwi kadarat jadi salebak,” pokna daria.

Malah, saur Kang Aniel, hirup rukun tèh geus diajarkeun ku ka­ruhun urang ti baheula. Tah ngeu­naan kaakuran, boh jeung sasama manusa anu saagama, boh jeung anu teu sakayakinan, pan ku ka­ruhun urang mah geus dicontoan. Bari tuluy nyaritakeun kungsi papanggih jeung sababaraha kas­epuhan anu apaleun kana riwayat atawa babad Pajajaran, tur salila ieu teu pernah di (ka)catet dina sajarah anu ayeuna aya.

Di Astana Gedè Kawali, aya kuburan anu anu bèda agama (bèda ngujurna) dirèndèngkeun. Sajarah ogè, geus ngabuktikeun, sasatna pasantrèn anu diping­pin ku Syèh Quro tèh geus aya ti jaman Maharaja Prabu Wastu Kancana (akina Prabu Siliwangi) tapi teu dikua-dikeiu. Malah kabèhdieunakeun salah saurang santrina ditikah tur dijadikeun pramèswari ku Sri Baduga Maha­raja tèa. Di sababaraha kelompok masarakat anu muhit, aya carita vèrsi Prabu Siliwangi anu nyari­takeun yèn salah sahiji anjeunna lèngsèr atawa masrahkeun ka­kawasaan ka putrana, Prabu Surawisèsa, atawa dina babad rahayat mah sok disebut Prabu Mundinglaya Dikusumah, masi­han kasempetan ka palaputrana anu geus ngagem agama Islam tiheula.

BACA JUGA :  Pj. Bupati Bogor Apresiasi Kadin Laksanakan Pasar Murah Kendalikan Laju Inflasi Daerah

“Jadi ngahyangna Prabu Sili­wangi tèh, sabenerna mere kas­empetan ka agama Islam anu keur disyiarkeun ku palaputra jeung incuna sangkan sumebar ka mana-mana. sabab salami aya anjeunna kènèh mah tangtosna hèsè kanggo sumebarna, kalah kumaha ogè ngarasa seunggah upami kedah mayunan Prabu Siliwangi,” ceuk hiji kasepuhan basa ngariung sababaraha bulan kaliwat.

Saur èta sepuh, Prabu Sili­wangi, raja sakti waspada pra­mana tingal, tangtosan terangeun kana eusi ajaran Islam, komo deui salah sahiji prameswarina, nyaèta Subang Larang, pan mus­limah.

“Malah bisa jadi aya hiji ru­siah anu tepi ka ayeuna tacan kaungkeb, atawa mèmang salil­ana bakal jadi rusiah Allah, ngeunaan ngahyangna Prabu Siliwangi jeung sawaktu mileu­leuheungkeun Ratu Subang La­rang. Naha ieu tèh aya patalina jeung sumebarna Islam di Tatar Pasundan anu kacida cepetna ? Wallohu alam,” saurna daria.

“Tah èta tèh conto lamun ka­ruhun urang mibanda sifat-sifat kaakuran anu luar biasa.”

============================================================
============================================================
============================================================