Ditulis ku: DADANG H PADMADIREDJA
JIGANA kahayang jalma dina uruÂsan saha anu bakal jadi batur hirÂupna, teu awèwè teu lalaki pastina rada sarua. Nu lalaki sanajan teu kabiruyungan boga rupa kasèp malah asup kana golongan gorèng patut (kawas kuring) dina meuÂnangkan jodo mah, pastina ogè anu geulis, beungeutna ngadaun seureuh, irungna bangir, halisna siga jelèr ngajepat, gadona enÂdog sapotong, jangkung leutik, solèhah, bahènol nèrkom. ah poÂkona mah sampurna wè lamun ceuk basa ayeuna mah idèal.
Kitu ogè nu awèwè sanajan asup kana majar manèh cengkèh konèng kulit peuteuy dina nyiru, majar manèh lengkèh konèng kuÂlit beuteung mani nambru dina milih calon pisalakieun mah nya kudu anu kasèp, jangkung badag, beurat beunghar, hirupna ajeg, boga pangkat atawa jabatan anu alus jeung solèh wujud anu hade lianna.
Tapi mangsa ku Allah SWT dipaparin anu kaayaanan ukur 20 persèn kurang tina catetan kahayangna, geuning teu burung narima, malah rumah tanggana awèt nepi ka pakotrèk iteuk.
“nu penting tanggungjawab, nyaah ka diri kuring, bisa nyuÂkupan lahir batin, cukup sandang jeung papan. Naon deui, pokona mah ngarasa tenang jeung bagya dina ngajalanan kahirupan bari didasaran ku ibadah,†tèmbal Ceu Eèn basa ditanyaan naha salakina saluyu jeung gambaran kahayangÂna mangsa keur ngora? urusan jodo, pati bagya cilaka bener lain urusan manusa, satemenna hak preogratif Allah Nu Maha Agung.
Dina ajaran Sunda, sifatna awèwè alusna dulang tinandè, ngan saukur nungguan, bari tangÂtuna angger mere sèn atawa tanda-tanda aya pangharepan, dina harti teu dimurah-marèh. Tapi di jaman ayeuna mah, tibalik, nu awèwè paÂboro-boro nembrakeun kahayangÂna (bogoh), sabab lamun henteu kitu cenah bisi kaburu ku nu lian.
Palah pilih teuing pibatureun hirup bisa jadi keuna ku paribasa pipilih meunang nu leuwih kocèÂplak meunang nu pècak, salian teu saluyu jeung kahayang tèh, jauh pisan tina standar panghanÂdapna. Salah sahiji cara ngungÂkulanna ceuk Ki Tatang ka alona Ujang Sahala kudu daèk narima kakuranganna, sabab nu ngaranÂna cinta, asih jeung nyaah sasatna èta pisan.