Ditulis ku: DADANG H PADMADIREDJA
TAS milu ngurebkeun nu muÂlang ka alam kalanggengan, ngaÂdeuheus pamundut Nu Maha Suci, kalahkan ngahuleng salila-lila. Dina jero hate norowèco, asa teu percaya. Sabab lamun nempo sarèat mah, asa pimohaleun miÂheulaan kuring.Umurna sahanÂdapeun, aya kana 20 taunna. Awakna jagjag waringkas, sèhat keung ngeusi, sabab rajin pisan olah raga.
Ceuk pangakuanna mangsa aya kènèh, saentas shalat Subuh berès ngaderes tèh, sok terus olah raga, lumpat aya kana lima kiloÂna, ditambah ku olahraga sèjèn, lamun teu badminton, futsal. Atuh kadaharanna ogè pastina nu aralus, pinuh gizi, sabab salian ti jalma aya, beurat beunghar resep pisan macaan artikel anu rèa pakÂalitna jeung kasèhatan.
Dina rak bukuna, pinuh ku buku jeung majalah kasèhatan. Kitu ogè pamajikanna hideng pisan, lamun aya bèja atawa tuÂlisan dina koran anu aya pataÂlina jeung urusan èta, gancang digunting, dikliping dina buku gambar, rapih pisan.
“Kamari wengi mah teu nanÂaon, namun saatos maèn futsal tabuh sawelas wengi, saurna asa teu raraos. Nya ku abdi tèh dikeroÂkan, bilih lebet angin. Tabuh satu wengi utah-utahan, teras dicanÂdak ka rumah sakit, namung teu acan ogè dugi, tos ngntunkeun,†ceuk pamajikanna, bari rambisak.
Enya ngama’lum kituna mah, saha anu teu nalangsa ditingÂgalkeun ku jalma anu dipikacinta bari ngadadak pisan. Pastina ogè asa dipiteskeun jangjang. Kamai aya kènèh, ti mimiti peuting ayÂeuna jeung saterusna bakal sarè jeung hirup nyorangan. Sagala bangbaluh jeung pasualan dunya tèh bakal dihareupan sorangan.
Panyababna ceuk nu rada ngarti mah, angin kadalon cenah. Ah duka teuing atuh, meureun mana kitu ogè geus nepi ka wakÂtuna, lalakon kumelendang di alam dunya ukur nepi ka lebah dinya, saterusna ngambah alam pangbalikan anu geus pasti salilÂana. Sabab pan di dunya mah tempat pangumbaraan.
Palebah dieu, hak preogratif Allah Nu Maha Kawasa lumaku, teu bisa diveto jeung dihalang-haÂlang. Rèk budak, kolot, rumaja, lamun geus waktuna mah nya los baè. Sanajan umurna geus kolot, katempona ripuh pisan, ceuk paribasana mah sagalana geus dilaksanakeun dina tempat sarè, ti mimiti dahar nginum, kahamÂpangan, kabeuratan, sarta mènta unggal waktu sangkan dicabut umur, tapi lamun Nu Ngagaduhan Lalakon tacan ngersakeun mah, wayahna, teu bisa kukumaha. Sabab maot, hirup bagya cilaka, lain urusan manusa. Lamun keuÂkeuh maksaleun hayang maot, ku carana sorangab nya meureun teu kaasup jalma anu iman.
Lamun geus ngagolèr, ngagÂogojod teu usik teu malik, naon deui anu rèk disombongkeun nya.Urusan waktu jeung tempat maot, Allah teges pisan dina SuÂrat Annisa 78, anu eusina nyebutÂkeun yèn dimana waè mahluk ayana, maot bakat daratang ka maranèh, sanajan aya dina jero bentèng anu tohaga, sarta lamun maranèhanna meunangkeun kaÂhadèan, maranèhna bakal nyariÂta, Ieu ti Allah sarta lamun meuÂnang kamusibahan maranèhna ngucapkeun ieu (datangna) ti Muhammad.
Caritakeun, yèn sakabèhna (sumping) ti Allah. Terus kunaon jalma-jalma anu èta (munafik) henteu ngartieun kana eusi anu dicaritakeun saeutik ogè? Kitu ogè dina Al Jumuah ayat 8, jelas pisan dawuh Allah SWT, pok caritakeun saenyana maot anu maranèh bakal bisa lumpat tina èta, satemenna bakal daratang manggihan maranèh, sarta maÂranèh bakal dibalikeun ka (Allah) anu ngawasaan nu jeung nu nyta. MantenNA, bakal nyaritakeun ka maranèh anu geus dipigawè ku maranèh kabèh.
Dina sababaraha hadist ngeuÂnaan maot ieu atra piasan diantaÂrana dina Hadist Riwayat Ahmad nyebutkeun yèn maot ngadadak mangrupa hiji kabagyaan pikeun jalma anu iman (mukmin) sarta kacida hanjakalna pikeun anu jalma-jalma doraka. Jadi lamun kitu mah, jelas urang kudu salaÂwasna ngajaga kaimanan jeung ngalaksanakeun parèntahNA, bisi maot datang teu disangka-sangka waktuna.
Kitu ogè ulah nepi ka aya jalma anu hayang maot kusabab kasusahan anu dirandapanna. Lamun tèa kudu nyarita cukup ku ngadu.a “Ya Allah, tetep hirÂupkeun kuring salila kahirupan ieu alus pikeun diri kuring, sarta maotkeun jisim kuring lamun èta hade pikeun diri kuring (HR. Bukhari). Ogè ulah maot dina kaayan gorèng sangka ka Allah sakumaha dawuhan Kangjeung Rosul dina hadist Muslim. Ulah maot iwal tu diba kaayaan alus panyangka ka Allah. Mugia !!!
