Hariring-Dadang-HPDitulis ku: DADANG H PADMADIREDJA

TEUING kabeneran, atawa mèmang Ki Madi rèk ka imah kuring, di warung tèh geuning aya anjeunna.

“Geus lah teu kudu meuli, aya yeuh. Puguh ngahaja rèk ka imah aya caritakeuneun,” pokna tèh. Pikeun kuring mah bungah wè anu aya, ceuk paribasana mah mobok manggih gorowong, aya jalan komo meuntas. Keur tapran tèh saenyana, sabab ka warung ogè lain rèk barang beuli ieuh, rèk ngadon nganjuk, kabeneran nu bogana tèh wawuh deukeut. Jadi la­mun keur “kagok” bisa ngèclok heula.

Sanajan teu dipènta ogè, derek­dek wè Aki Madi nyaritakeun pangala­manana. yèn kamari papanggih jeung Pa Iwan Ridwan Sulanjana, manten Pangdam Siliwangi.

“Teu sangka euy, tètèla Pa Iwan tèh kacida fahamna kana sajarah Sunda hususna anu aya patalina jeung karajaan Pakuan Pajajaran,” pokna tèh.

“Na kumaha kitu Ki?” cèkèng tèh mairan. Enya apal pisan ka Pa Iwan tèh, da anjeunna mah pastina ogè moal terangeun ka kuring. Saur Pa Iwan, parobahan “jaman” di urang numutkeun wangsit tèh, naktuna 7 abad atawa 700 taun sakali. Tah ceuk wangsit Abad ka 21 ieu, anu kudu nyangking kadudukan tèh urang Sun­da, atawa ceuk Eyang mah incu aing anu hatèna rancagè.

“Sabab ceuk dina wangsit sa­jarah baheula bakal kaalaman deui dina mangsa nu bakal datang, sana­jan dina wanda, waktu jeung anu ngalakonana anu bèda,” ceuk Ki Madi nirukeun caritaan Pa Iwan. Tah sebutan urang Sunda tèh teu bisa dihartikeun kana sèkèsèlèr Sunda wungkul, sabab Sunda dumasar kana sajarah mah wewengkonna, kacida legana, diantarana Sunda Besar jeung Sunda Kecil.

BACA JUGA :  Pasar Jambu Dua dan Pasar Gembrong Sukasari Dicanangkan Jadi Pasar Bersih

Malah ceuk Plato jeung Ario San­tos nyebutkeun yèn puluhan rèbu katukang gunung api meletus baba­rengan, nimbulkeun, gempa, ngalèèh­keun gunung ès jeung nimbulkeun banjir, sarta neuleumkeun benua Atlantis anu tètèla èta tèh Indone­sia. Ceuk Santos dina bukuna nyaèta The Lost Continent Finally Found, The Definitifve Localization of Plato‘s Lost Civilization (2005), anu meunang nalungtik salila 30 tahun teges-teges nyebutkeun nagara urang. Malah para panalungtik Amerika Serikat anu diantarana ahli arkeologi, kalayan jèntrè nyebutkeun anu dimaksud tèh Sunda Land atawa Taneuh Sunda.

“Tah lantaran karuhun urang mah, dina sagala hal tèh teu kawas bangsa sèjèn, nyaritana pinuh siloka dina Carita Pantun Ngahiangna Pa­jajaran aya pantun anu eusina kieu :

Pun, sapun kula jurungkeun, mu­kakeun turub mandepun

Nyampeur nu dihandeuleum­keun, Teundeun poho nu baréto

Nu mangkuk di saung butut, Ukireun dina lalangit,Tataheun di jero iga!

Bisa jadi pantun ieu taya pata­lina jeung anu dicaritakeun ku Plato, Santos atawa para panalunngtik ura­ng Amerika, tapi lamun dilenyepan mah loba pisan guareunana,”saurna deui. Sakabèh anu karandapan di nagara urang dina jaman kiwari, kan­yataanana tètèla teu leupas tina uga wangsit. Padahal pan èta tèh dijieun­na geus mangalam-alam, naha bet karandapanan ayeuna.

BACA JUGA :  Kota Bogor Dilanda Bencana Alam, Tanah Longsor dan Banjir di Beberapa Titik

Kitu ogè diantara anu kungsi diucapkeun ku Eyang Prabu anu ka­limahna kieu Lalakon urang ngan nepi ka poé ieu, najan dia kabéhan ka ngaing pada satia! Tapi ngaing henteu meunang mawa dia pipi­lueun, ngilu hirup jadi balangsak, ngilu rudin bari lapar.

Dia mudu marilih, pikeun hirup ka hareupna, supaya engké jagana, jem­bar senang sugih mukti, bisa ngade­gkeun deui Pajajaran! Lain Pajajaran nu kiwari, tapi Pajajaran anu anyar, nu ngadegna digeuingkeun ku obah jaman! Pilih! ngaing moal ngahalang-halang. Sabab pikeun ngaing, hanteu pantes jadi Raja, anu somah sakabéh­na, lapar baé jeung balangsak.

Daréngékeun! Nu dék tetep ngilu jeung ngaing, geura misah ka beulah kidul! Anu hayang balik deui ka day­euh nu ditinggalkeun, geura misah ka beulah kalér! Anu dék kumawula ka nu keur jaya, geura misah ka beulah wétan! Anu moal milu ka saha-saha, geura misah ka beulah kulon!

“Tah hiji waktu mah éta téh bakal aya nu mésék eusina kalayan jéntré, malah boa diantarana geus kaalaman ku urang,” ceuk Aki Madi.

“Duh, Ki ulah luhur teuing, lieu uing mah!” cékéng téh. Saenyana teu ngarti kamana loyogna caritaan Ki Madi téh. (*)

============================================================
============================================================
============================================================