Ditulis ku: DADANG H PADMADIREDJA
KEUR ngalamun bari nemÂpokeun cihujan anu ragrag tina tungtung daun rambutan, jeung cileuncang nu minuhan pakaranÂgan, teu kanyahoan datangna, ujug-ujug aya nu baramaèn di hareupeun, puguh wè reuwas kaliwat saking, lain babasan.
Teuing pèdah ngalamunna jero teuing kitu? nepi ka teu nyaho aya nu datang. Pangna wani nyebut baramaèn tèh, pèÂdah wè pakèananana rudin jeung loba tatambalan, buukna gimbal jiga nu geus mangtaun-taun teu pernagh diangir atawa ngambeu sampo, kitu ogè awakna.
Eta baramaèn tèh, teu lemek teu nyarèk, ukur nempokeun mani seukeut. Nempo galagat kitu tèh gancang, kuring ngodok pèsak, meneran aya rècèh dua rèbu song wè dibikeun.
Duit ditarima, sarua jeung basa keur datangna, balikna ogè sarua teu ngomong-ngoÂmong, sumawonna nganuhunÂkeun mah.
Ah, teu papanjangan ieuh, anu aya tèh jadi inget ka saÂbabaraha kajadian anu kungsi dicaritakeun ku Kang Shahlan ngeunaan sikep Kangjeng RasuÂlullah SAW ka saurang baramaèn urang Yahudi.
Derekdek wè anjeunna tèh nyaritakeun hiji riwayat kumaha sikep Kangjeng Rasul dina ngaÂlayanan baramaèn.
Di juru pasar Madinah Al MuÂnawaroh, aya saurang baramaèn urang Yahudi anu lolong. Tah laÂmun aya anu ngadeukeutan, èta tukang baramaèn tèh sok nyarita kieu.
“ Hè baraya, kahadè ulah ngaÂdeukeutan Muhammad, manèhÂna tèh jalma teu waras, tukang bohong, tukang sihir, lamun maÂnèh ngadeukeutan manèhanana pasti bakal dipangaruhan,†ceuk nu baramaèn.
Padahal unggal isuk, RasuÂlullah, SAW, ngadatangan maÂnèhna bari jeung mawa kadahaÂran, sarta tara nyarios nanaon, ngahuapan katuangan anu diÂcandakna, sanajan èta baramaèn salawana mesen ka saban jalma sangkan ulah ngadeukuetan jalÂma anu ngaranna Muhammad.
“Kangjeng Rasulullah, ngalaÂkonan padamelan èta, dugi ka bade pupus. Saparantos manÂtenna pupus taya deui anu mangÂnyandakeun katuangan, unggal dintenna ka baramaèn urang YaÂhudi èta,†saur Kang Shahlan. Hiji waktos, Abu Bakar R.A, nganjang ka putrana, Aisyah, rha.
Anjeunna naroskeun ka AiÂsyah, bilih aya padamelan anu can dilaksanakeun. Siti Aisyah, ngawaler yèn ampir sadaya sunÂna parantos dilaksanakeun, iwal ti hiji nyaèta Kangjeng Rasull unggal ènjing, mangnyandakeun katuangan ka baramaèn urang Yahudi anu aya di juru pasar MaÂdinah.
Enjingna, Abu Bakar Sidik, nyumpingan bari nyandak katÂuangan pikeun baramaèn èta. Sawaktos, anjeunna ngahauaÂpn, èta baramaèn naros ka Abu Bakar.
“Saha anjeun,†ceuk èta baraÂmaèn ambek bari gogororowoÂkan.
“Kuring jalma biasa,â€waler Abu Bakar.
“Lain, manèh lain jalma anu biasa datang ka dieu,â€pokna tèh. Sabab lamun manèhna datang, henteu kawas kieu, kuring henÂteu kudu hèsè ngahuap, sabab kadaharan èta geus dilemeskeun ku bahamna samèmèh di huaÂpkeun ka kuring, ceuk èta baraÂmaèn.
Abu Bakar teu kuat nandangan kasedih, cipanonna nyurulung, anjeunna nangis bari nyarios ka èta baramaèn yèn dirina mèmang lain anu biasa datang kadinya, tapi salah saurang sahabat manusa anu pangmulyana èta.
“Anu sok sumping unggal ènÂjing kadieu tèh, nyaèta Kangjeng Rasul Nabi Muhammad Salallahu Alaihi Wassalam,â€waler Abu Bakar.
Saentas ngadangu, waleran ti Abu Bakar R.A, èta baramaèn ceurik, sabab salila ieu manèhÂna ngahina jeung nyacampah mantenna. Malah remen pisan mitnah, mantenna teu pernah bendu, sanajan unggal enjing nyumpingan, bari jeung ngahuaÂpan dirina. Meureun di jero diÂrina, aya kahanjakal anu kacida anu kacida luar biasana, mani nyelek, dina jero dadana.
Malah mun kongang mah meureun ngajerit maratan lanÂgit, ngocèak maratan jagat. Nu baramaèn èta, ahirna ngucapÂkeun dua kalimah Sahadat dipaÂyuneun Abu Bakar nandakeun yèn dirina asup Islam.
“Tah urang tèh dicontoan mani sakitu sabarna ku Kangjeng Rasul, moal kaudag atuh, ngan ulah nepi ka kudu ngusir mah, dian teu bogana ogè, ku basa anu lemes jeung teu matak ngaraÂheutkeun hatèna,â€saur Ki ShahÂlan.
Malah, bisi anu datang tèh lain baramaèn sabenerna, bisi coÂbaan sabab kungsi kacaritakeun yèn saentas ngusir nua baramaèn tèh, meunang musibah anu gedè kacida, sabab tètèla èta tèh ujian ti Allah anu diwujudkeun ku ayaÂna baramaèn.
Jadi tegesna mah urang tèh, salawasna kudu ngajaga sikep di mana waè ayana, sabab bagya cilaka jodo pati tèh datangna teu disangka-sangka. (*)