Ditulis ku: DADANG H PADMADIREDJA
NGAREGEPKEUN carita Prabu Siliwangi ti para kasepuhan ataÂwa maca tina buku, situs, blog ti dunya maya, rarasaan tèh teu bosen-bosen sarta nambah kapÂanasaran. Sanajan sakapeung mah, rada ngahuleng jeung nambahan kahimeng bari dièmÂbohan ku bingung, sabab loba pisan “tafsirannaâ€. Lamun tèa mah sakabèhna didèngèkeun, boa matak gering langlayungan.
Diantarana ngeunaan ngÂhyangna Eyang Prabu atawa Uga Wangsit Prabu Siliwangi. Ceuk sakaol ngahyangna Eyang Prabu tèh, ngan sakolèpat ngaÂhiji jeung mangsa caang bulan dibarengan hujan sakeprulan sarta dina sikep sidakep sinnuÂhung tunggal Tapi lamun maca sajarah anu aya, ngahyangna tèh mangsa keur mujasmedi di jero kamar, saentas lèngsèr tina kakawasaanna. Mangsa ditèang ku putra jeung putuna, jasadna geus teu aya, ukur aya acuk tilas nganggona. Dina carita liana, disebutkeun mimiti miangna tèh ti Gunung Gedè, sawaktu ditèang ku putrana Kèan Santang Raja Sangara, puÂtra anu bungsu ti Nyimas SubÂanglarang, aya nu ngabèjaan yèn rombonganna miang ka Leuweung Sancang, Garut.
Disusul ka ditu, ènya wè aya, malah cenah kungsi ngoÂbrol sagala. Ngeunaan Prabu Siliwangina sorangan ogè, aya sababaraha pamanggih. UmumÂna urang Sunda, komo urang Bogor mah, boga pamadegan yèn anu dimaksud Prabu SiliÂwangi tèh nyaèta Sri Baduga Maharaja Ratu (H)Aji Pakwan Padjadjaran,anu keur ngoÂrana gumelar Raden Pamanah Rasa atawa Prabu Jaya Dewata putrana Rahyang Dewa NisÂkala. tapi teu saeutik ogè anu ngajèntrèkeun yèn Siliwangi mangrupa gelar pikeun Raja- Raja Sunda-Galuh anu mibanda wewesèn, kasaktian, kawijakan atawa kaleuwihan dina sagalaÂna disbanding raja-raja liana.
Tapi lamun ngudag ka akina, Maharaja Nila WatukanÂcana, disebut Prabu Wangi, putrana Dewa Niskala disebut Wangisutah (putrana), Raden Pamanah Rasa disebut Silih Wangi (kadieunakeunna roÂbah jadi Siliwangi), gagantina Prabu Wangi. Kusabab sagalana nyeplès akina pisan, tina raray, kawijakan, kagagahan jeung nu sèjènna. Warisan anu mangruÂpa Uga Wangsit Siliwangi, sarta di jaman kiwari rèa pisan “tarÂjamahannaâ€. Kusabab dianggap penting jeung pikeun ngahaÂrgaan kinarya karuhunna, dina unggal acara husus kasundaan wangsit ieu remen dibacakeun.