Ditulis ku: DADANG H PADMADIREDJA
SORÈ-SORÈ kira-kira jam opat, Keur ngahuleng di tempat parkir Dinas Pendidikan Kota Bogor, mikiran ban motor anu kempès, teu sakara-kara reuwas kaliwat saking, boa lamun boga panyaÂkit lemah jantung mah, nepi ka sawanna.
Rèk teu kitu kumaha geura, aya nu ngadurugdug ka tempat parkir bari sorana nyaruaan kaÂpal jèt, sakapeung jiga sora heuÂleur pare. Ceuk pikiran anu keur ngalamun, jigana tèh mobil kaluÂaran taun panganyarna sabab cètna ogè belang-belang, malah lamun diperhatikeun make aya motif batik sagala.
Sanggeus diperhatikeun tètèÂla èta tèh mobil saljuna Mama Arief Hidayat, ahli dongèng anu kaceluk ka awun-awun, kakonÂcara ka janapria. Rada hèlok ogè sabab mobilna tèh geuning salin jinis mindah rupa, utamana mah cètna.
“Kumaha tah ayeuna Si Salju tèh, gandang nya?†pokna tèh bari tuluy ngajak sasalaman. Kuring teu langsung nèmbalan, rada bingung puguh ogè. Ari diÂenyakeun, sarua jeung ngabinihÂkeun bibit munafik dina jero hatè, mun ceuk kasarna mah beungeut nyanghareup ati mungkir. Lamun disebutkeun saècèsna, diterangÂkeun sacèwèrèlèna, sok sieun anÂjeunna kasigeung.
“Pokona mah bèda lah jeung nu baheula,â€cèkèng tèh.
Mama Arief Hidayat, jigana pikeun generasi sajaman kuring jeung saluhureun kuring mah pada nyaho, inohong dongèng anu taya duana. Komo keur jaÂman anjeunna keur ngadongèngÂkeun lalakon Si Riweuh mah, pan loba para ibu, ngarèngsèkeun masak samèmèh waktuna.
Tujuanana taya deui hayang rinèh mangsa ngadèngèkeun dongèng anu diasuh ku Mama ArÂief Hidayat. Teu budak teu kolot, teu nini-nini teu aki-aki ting dareÂpong di tepas imah, ngarariung radio dua band.
Dina urusan ngamumulè budaya Sunda, hususna basa, Mama Arief, sanajan yuswana geus teu kawilang anom deui, panginten ayeuna langkung ti tujuh puluh taun, sumangetna teu pernahna ngirangan. DisÂarengan ku istrina, Mamah Adè, ngagunakeun Si Salju singgetan tina asal maju, anjeunna satia mendakan para pangdanguna ku dongèng Sunda.
Mama, kaasup seniman anu sepi ing pamrih ramè ing gawè, teu pernah mikirkeun naha bakal jeung kudu dibayar sabaraha. Anjeunna ogè, teu kaasup kana golongan jalma-jalma anu ngaÂlobakeun tiori wungkul, nu mèÂpèndè ku ranggeuyan kalimah hade ngahareupkeun taktik kemÂbang biwir.
Enya, ari nyarios mah jiga nu enya, nyaah, malirè jeung rèk ngarojong kana budaya karuhunÂna, mangsa diperedih panulungÂna, api-api teu ngadèngè.
“Ih lain Asbun ieu mah. KaÂsaksian pisan ku panon sorangan, mangsa aya pintonan kasenian Sunda jeung aya kagiatan seni luÂkis, pan ti rèngrèngan èta mah taya nu sumping,†saur Ki Madi bangun neuteuli. Saentas salami 30 taun teu ngadongèng, hatèna kasuat deui, mangsa terangeun yèn nu ngagunakeun basa Sunda tèh ngan saukur dua puluh persèn.
“Lamun taya lèngkah anu daria ti ayeuna, boa moal nepi lima puluh taun, basa Sunda tèh bakal carem sabab nu ngagunakÂeunana beuki dieu beuki nguÂrangan. Sabab salah sahiji sarat sangkan basa langgeng tèh loba anu ngagunakeunana,â€walerna basa ditaros naha kersa ngaÂdongèng deui. Pikeun anjeunna, ngamumulè basa Sunda jeung budaya karuhun sèjènna, geus ngagetih ngadaging. Sabab, dina prak-prakan ngamumulè tèh katÂingalina pinuh ku rasa ihlas tur didasaran ku kabagyaan.
Mama Arief anu dua taun kaÂliwat mah jiga nu nguluwut pinuh kabingung, ayeuna mah ngajangÂgèlèk jiga anu ngora deui. Saur Ki Madi mah, tètèla ubar kahiruÂpan tèh lain ngan saukur ku loÂbana dunya wungkul, aya deui nu sèjènna, nyaèta kapanggih jeung dunya anu dipikaresepna.
“Jadi lamun urang hayang langgeng dina hiji pagawèan, panjang umur, salian ti neda ka Gusti Allah tèh, istiqomah tur mikaresep jeung mikadeuÂdeuh kana pagawèan anu keur digugulung,â€saurna. Lamun hiji pagawèan geus disanghareupan ku luhlah jeung crukcrek, geus pasti hasilna moal bener, sabab sarua jeung teu narimakeun ataÂwa tegesna mah teu nyukuran anu dipaparinkeun ku Allah.
“Jadi kèdah kumaha atuh Ki,â€cèkèng tèh panasaran.
“Nya tarimakeun wè, malah alusna mah ngahareupkeun gawè nu bener ti heula, da reÂjeki mah pastina ogè nuturkeun, cohagna mah ulah pupulut samèmèh mantun, gorèng tatèh sabab miheulakeun hak tibatan kawajibanana,â€pokna tatag pisan.
“Insya Allah, Ki dièstokeun pisan.â€
“Tah kitu atuh.â€