Teuing naon alesanana, tah. Padahal, sarèrèa ogè nyaho yèn melakkeun disiplin mah alusna tèh mangsa keur barudak kèÂnèh. Sakumaha anu ditembangÂkeun dina qasidahan, diajar sawaktu leutik mah lir natah dina batu, bakal aya tapakna.
Rarasaan bakal kacida ènÂdahna tah lamun di hareupeun ruko-ruko di sapanjang jalan Tajur, jeung jalan-jalan sèjènna pinuh ku tatangkalan. Carana mah (lamun daèk) gampang pisan, kari nyadiakeun pot bunÂga, boh tina plastic atawa tina dreum kurut, rarasaan teu maÂhal ieuh. Atuh perkara bibitna mah teu hèsè ieu, bisa ti Dinas Pertanian Kota Bogor, ogè konÂsultasi tangkal naon anu pantes atawa alus dipelak dina pot.
Mun teu salah bibit-bibit èta tèh dibagikeun gratis, pikeun saha waè anu hayangeun melak. Malah Kang Sam ogè, ceuk kasarÂna mah sanggupeun mun kudu nyadiakeun bibit tatangkalan kaÂlayan haratis, alias teu mayar tèa.
Tah meureun ceuk tiorina mah teu hèsè ieuh nya, nu boga toko nyayagikeun tempat, bibitÂna kari ngirim, kari prakna. KaÂdituna kari miara sangkan èta tangkal tèh hirup, tanggung jawabna nya nu baroga toko, da moal bèak cai dreum-dreuman ieuh, dina kudu nyèborna ogè. Dines anu aya patalina jeung èta, meureun kari migawè nu sèjènna. Sabab lamun kudu ngurus tatangkalan anu aya di hareupeun toko-toko èta mah, pimanaeun kasiwer.
Tah ceuk Ki Mardud mah, nu kitu anu disebut sepi ing pamrih ramè ing gawè tèh, sumanget gotong royong , sabanda sarikÂsa tèa anu ayeuna geus mimiti leyur bisa dihangkeutkeun deui ku cara-cara anu samodèl kitu. Teu kudu nu gedè-gedè heula, anu sederhana tur gampang dipigawèna, bari jeung murah deuih, tapi mangpaatna, insya Allah saumur hirup.
Ceuk itungan, lamun aya rèbuan jalma anu baroga toko melak dua tilu tangkal wè, meuÂreun sakurangna dua nepi ka tilu rèbu tangkal, nyadiakeun oksigen pikeun masarakat BoÂgor. Sakumaha tarèkah anu keur dileukeunan ku Bogor Today. Sugan wè ku jalan kitu mah, hawa anu karasa panas bayeungyang tèh rada nguranÂgan nya. Tapi kètang èta mah teu langkung ka nu garaduh toko jeung pamarèntahanana. Mugia wè atuh kahartos nya!