Kantor Jutawan

Dina palebah èta mah, para Raja Sunda Galuh, leuwih waspada, tempat pakuburanana tèh, di luhu gunung anu hara-haraeun, sanajan sabagèan di­antarana geus mimiti aya anu kaèrèdkeun, contona Situs Ba­digul, anu ceuk sabagèan tem­pat suci atawa aya ogè nu nye­butkeun kuburan salah saurang Raja Pajajaran, geus malih war­ni mindah rupa jadi komplèk paimahan mèwah.

Kasadaran manusa kana palebah ngaraksa, ngamumulè jeung ngariksa paninggalan karuhunna tèh kaèlèhkeun ku piuntungeun. Untungna wè ay­euna aya sababaraha anu haat ngaluangkeun pamiikir jeung harta bandaa pikeun ngamu­mulèna, salah sahijina anu keur dipigawè ku LSM Sangga Erawan jeung Yayasan Gentra Pajajaran.

Balik deui kana anu kahay­angna sarwa instan jeung cepet tèa, nepi ka ayeuna mah, sagala disingget, kawas Rumah Tidak Layak Huni, disingget Rutilahu, Rumah Susun Sèwa, disebutna rusunawa. Loba pisan èta tèh, Markas Kantor Kepolisian Resor Bogor Kota jadi Mapolresta. Tah palebah dieu urang Sunda rada palalinter, kawas kecap ATM ku ahli nyawèr mah disinggetna tèh lain Auto Teller Machine, sabab cenah lamun geus narikah mah, kaum hawa atawa pihak awèwè tèh bakal meunang ATM.

“Basa ditanya naon ATM tèh, naha pèdah salakina gawè di bank kitu?” Ih lain, cenah sabab sakabèhna ogè bakal meunang, lain pèdah salakina gawè di bank, sabab tukang kiridir jeung tukang tahu ogè, bogaeun ATM tèh, hartina Alat Tusuk….ah mangga wè teraskeun, pamali.

Kitu ogè basa Tukang Nga­dongèng Sunda Haji Mama Arif Hidayat nyingget sababaraha kantor sangkan leuwih cepet, Kantor Wilayah jadi Kanwil, Kantor Urusan Agama jadi KUA, Kantor Departemen jadi Kan­dep, Kantor Kependudukan jeung Catetan Sipil jadi Kan­dukcapil, tah anu rada hèsè tèh nyaèta Kantor Jutawan, meu­reun pantesna mah, Kawan nya.

“Ih lain atuh, lamun Kantor Jutawan mah sakuduna kan… ,”pokna tèh teu laju, da bisi keu­na ku KIP, sabab kaasupna kana kalakuan Porno Ucap. Ha…ha, teu sakabèh bisa disingget Ma, kaasup Kantor Jutawan. (*)