Kajadianna mangsa keur niÂkah jeung Nyimas Subanglarang, putrina Ki Gedeng Tapi, anu jadi santriwati Syech Qurotol Ain nu boga pasantrèn di wewengkon Wadas Karawang.
“Teu mungkin Syech Quro anu madzhabna Hanafi ngizÂinkeun anak didikna nikah jeung nu bèda agama,†saurna tatag pisan. Dumasar kana catetan saÂjarah, pasantrèn anu diadegkeun ku Syeh Hasanuddin atawa Syech Quro geus aya ti jaman akina Raden Pamanah Rasa, Maharaja Nilawastu Kancana.
Pasantrèn anu teu sabaraha gedè tèh diantepkeun teu dijorag, tapi diantepkeun salila sabaraha puluh taun. Raden Pamanah Rasa anu harita masih belejag, buta tuÂlang buta daging sarta mibanda kasaktian dipiwarang ngariksa ka pasantren ieu.
Mangsa tepi ka dinya, kadanÂgu ku Raden Pamanah Rasa NyÂimas Subanglarang keur maos Qur’an. Kabandang ku sora nu halimpu sarta bacaan anu nemÂbus ati maragat kana manah sumarabah kana bayah, Raden Pamanah Rasa kapupul bayu, hatèna kabandang ku nu geulis kawanti-wanti, èndah kabina-bina. Ahirna mojang Subang ieu ditikah kalayan mas kawinna lintÂang kerti jajar saratus.
Ceuk sabagèan lintang kerti jajar saratus anu dimaksud tèh tasbèh anu aya di Mekkah. Tah ngeunaan lalakon kumaha Raden Pamanah Rasa meunangkeun tasÂbèh ieu aya deui caritana.Mun diÂcaritakeun matak hookeun jeung hèsè pisan dipercayana.
“Di palebah deui pisan PraÂbu Siliwangi ngagem agama IsÂlam. Kunaon make teu balaka lamun mantenna geus Islam? Lamun balaka karajaan PajajaÂran anu bakal dirajaana bakal geunjleung malah bisa jadi nolak anjeunna,†saur salah sahiji kasÂepuhan Bogor.
Kayaan nagara Sunda di BoÂgor harita keur bancang pakèwuh sabab antara Galuh jeung Sunda keur harènghèng. Di palebah dieu ogè, lumaku madarat jeung maslahat.
Dumasar kana pangalaman èta, pamingpin tèh kudu singer, naha kaputusan anu dijieun tèh leuwih loba madaratna atawa maslahatna. Ulah maksakeun, komo bari didasaran asa aing panÂgpinterna, nu sèjèn mah bodo. Bogor dina poè isukan bakal miÂlangkala anu ka 534, geus leuwih ti dèwasa sakuduna mah nya.
