(Bagian ka 1)
Ditulis ku: DADANG H PADMADIREDJA
SALAH sahiji kautamaan atawa anu ngabèdakeun bulan puasa jeung bulan sèjènna tèh nyaèta ayana Shalat Tarawèh atawa shalat sunna lail (peuting) berÂjamaah anu dilaksanakeunana ba’da Isya. Istimèwa puguh ogè, shalat sunnah anu berjamaah. Ngan dasar urang Sunda, sakaÂpeung sok ditambahan ku heuÂreuy , shalat tarawèh tèh disÂalenggorkeun jadi tara sawarèh (utamana mah ku nu ngedul).
“Padahal lamun nyaho fadiÂlahna mah rarasaan moal hayÂang ninggalkeun najan sarokaat ogè,â€saur Ustad Maman bari nyaritakeun fadilahna. Ti Ali bin Abi Thalib ra yèn Kangjeng Rasul kantos nyabda sawaktos ditaros ngeunaan kautamaan-kautamaan tarawèh di bulan RaÂmadan. Peutingan kahijia siga jalma mukmin anu kakara kaluar tina dosana kawas kakara dilaÂhirkeun ku indungna, peuting kadua dihampura dirina jeung indung bapana, lamun manèhna mu’min, peutingan ka tilu MaÂlaikat ngagero handapeun Arsy, ngaduakeun sangkan manusa diÂhampura dosa-dosana anu geus kaliwat, kaopat meunang pahala kawas maca Taurat, Injil, Zabur jeung Al-Furqan (Al-Quran). Peuting kalima, meunang pahala kawas anu shalat di Masjidil HaÂram, Masjid Madinah jeung MasjiÂdil Aqsha. Peuting ka genep Allah Ta’ala mere pahala kawas jalma anu thawaf di Baitul Makmur sarta dipangmèntakeun ampuÂnan ku unggal batu jeung cadas. Peutingan ka tujuh, saolah-olah meunang darajat Nabi Musa A.S mangsa ngèlèhkeun Fir’aun jeung Haman.
“Peutingan ka dalapan , AlÂlah Ta’ala maparin ka anu shalat tarawèh sakumaha anu parantos dipasihkeun ka Nabi Ibrahin AlaiÂhi Salam,â€saur Ustad Maman.
“Aya kènèh Tad?†cèkèng tèh nanyakeun.
“Unggal peuting ogè aya fadiÂlahna, ngan isuk wè , Ustad rèk ngaji heula,â€pokna tèh bari
ngalèos. Tah ngeunaan shalat tarawèh tèa, di lembur kuring ayeuna mah, rada tartib, teuing pèdah barudakna rada kurang, atawa mèmang jamanna geus rada bèda jeung baheula, baruÂdak ayeuna mah geus rada pati kurang hareureuy. Naha pèdah loba teuing ulin jeung computer kitu, unggal poè nyieun status dina facebook jeung twiter, nepi ngurangan rasa beungkeutan sosialna, atawa mèmang geus saladar kana pentingna shalat tarawèh? Lamun tèa mah maÂranèhanana tara hareureuy tèh disababkeun ku kaleungitan rasa humorna (sense of humour) rada dihanjakalkeun tah, sabab rasa sosial kadeukeutan antara maraÂnèhanana geus mimiti ngurana. Kahareupna barudak bakal meÂkar jadi pribadi anu daria sarta bakal hirup aing-aingan jeung sèwang-sèwangan. Sabab heuÂreuy tètèla mangrupa ciri deukeÂutna hiji sosobatan, sabab jalma moal heureuy teu pupuguh jeung jalma anu kakara dipikawanohÂna. Baheula basa kayaan mushola masih kènèh darurat, shaf lalaki jeung awèwè ukur dipipindinÂgan ku lawon pikeun misahkeuÂnana, aya babaturan kuring anu rada lenger. Diantara kolot anu miluan shalat tarawèh tèh, aya anu sok muka kolorna sarta diÂgantungkeun dina paku jandèla, maksudna mah meureun hariÂwang lamun kolorna kanajisan mangsa keur kahampangan. Ti rakaat munggaran kènèh Ki Sobat mah geus ngincer kana kolor Ki Salhiam tèh, mangsa asup rokaat ka genep, lung wèh kolor tèh dialungkeun ka barisan ibu-ibu. Meureun jigana tèh, èta kolor ninggang kana sirahna, saÂbab kadèngè tinggerendeng, aya kolor lecek kana sirah cenah. JiÂgana mah ibu-ibu anu karagragan kolor tèh ngarasa panas lung èta kolor tèh dialungkeun ka barisan bapa-bapa, rag-ragna tèh persis dina taktak Ki Salhiam anu cicing di jajaran panghareupna. Nempo kitu barisan tukangeunana tèh ting aruyek, nahan seuri, malah diantarana aya anu teu kuateun nepi ka èbat sagala. Ki Salhiam ogè ngarasa reuwas sabab dina tak-takna ngadadak aya sorÂban anyar, ngan lantaran sieun batal shalat tarawèhna manèhna ngadagoan nepi ka awèh salam. Beres awèh salam gancang anu nyangsang dina tak-takna tèh diÂcabak tuluy ditempo manèhna ngagebeg, geuning èta tèh kolor manèhna. Gancang manèhna ka tukang, teu lila tuluy nginÂcid balik, sigana mah neruskeun tarawèhna tèh di imahna. Tah saprak harita Ki Salhiam jadi katelah Ki Sorban Kolor, sarta hikmahna taya deui kolor-kolor anu ngagarantung dina paku sisi jandèla, atawa dina èrang-èrang nako jeung loster. Sabab bisi baÂhan pikeun heureuy. Barina ogè, kolor ditumbrak-tembrak nya !
Bagi Halaman