Hariring-Dadang-HPDitulis ku: DADANG H PADMADIREDJA

KURANG leuwih sapoè deui, ura­ng bakal asup kana bulan anu pi­nub berkah magpirah jeung anu leubeut ku pahala. Pikeun umat muslim (muslimah) geus pasti “wajib” kudu bungah ku kasump­ingan ramdhan. Di Bogor, pada umumna, aya kabiasaan cucurak dina mapag ramadhan tèh.

Carana rupa-rupa aya anu ngabring ka hiji tempat bari tu­luy muka bekel babarengan boh jeung kulawarga atawa jeung ba­baturan, aya ogè anu ngan sau­kur dahar bareng lamun ceuk urang Bogor mah papadangan. Cucurak, kabiasaan anu ngan aya dina mapag Ramadhan wungkul, bari jeung ditungtungan ku dahar bareng. Alus kagiatan samodèl kitu tèh, lain ngan saukur dahar wungkul, sabab di jerona tèh aya mageuhkeun silaturahmina.

Kagiatan ieu lamun teu di kantor atawa lembaga-lembaga, sok dilaksanakeun di lembur-lembur, duka di komplèk paima­han mèwah, anu tatangga jeung tatanggana teu warawuheun mah. Lamun tèa mah dina sapopoèna tara papanggih ku­lantara ku lobana kasibukan, dina waktu cucurak mah biasana tèh karumpul. Atuh aya alusna lamun dina waktu cucurak èta, aya silih hampura jeung silih du’akeun sangkan mulus rahayu, dipasihan kakiatan dina raraga ngajalankeun puasa anu bakal di­hareupan.

Kagiatan sèjènna dina mapag sumpingna bulan suci tèh, di Kota Bogor baheula mah sok aya ngabedahkeun situ. Nu datangna ti mana mendi, dina poè èta mah kayaan di sakurilingeun situ nga­dadak jadi ramè pisan, boh nu ngadon ngala lauk atawa nu da­ragang.

BACA JUGA :  SAHUR OF THE ROAD RAWAN DENGAN TAWURAN PELAJAR

Saujratna kagiatan kawas kieu tèh kudu dipiara sarta tuluy tu­muluy dilangsungkeun sabab bisa ngahudangkeun potènsi èkonomi pikeun masarakat satempat. Pan meureun anu daragang kadaha­ran, inumeun tèh lolobana mah urang dinya. Malah mun bisa mah jadi kalènder kagiatan Dines Kabu­dayaan jeung Pariwisata satempat.

Taya salahna lamun dina ka­giatan èta dipintonkeun rupa-rupa kasenian, ambèh kacintaan kana budaya atawa seni karu­hunna ngandelan. Saur Aki Mar­dud, dina raraga mapag puasa ieu afdolna mah lain ngan saukur cucurak wungkul tapi dibarengan ku ngadu’a ka Allah SWt sangkan dipaparin kasempetan pikeun papanggih jeung bulan Ramad­han dina kayaan sehat wal afiat sangkan ngajalankeunanan bisa maksimal salian ti puasa tèh, bisa shalat, tilawah, jeung dzikir.

Ti Anas bin Malik r.a. nyario­skeun yèn Rasulullah SAW upami lebet ka sasih Rajab ngadu’a ”Al­lahuma bariklana fii rajab wa sya’ban, wa balighna ramadan.” anu hartina Ya Allah, baroka­han kami dina bulan Rajab jeung Sya’ban sarta tepikeun kami ka bulan Ramadan. (HR. Ahmad dan Tabrani). Muji jeung syukur ka Al­lah kana karunia Ramadhan anu geus dipaparinkeun ka urang.

Gumbira kana sumpingna Ra­madhan, Rasulullah SAW salawa­sa masihan bèja pikagumbiraeun ka para sahabat unggal sumping sasaih Ramadhan, Geus datang ka aranjeun bulan Ramadan, bulan anu pinuh barokah. Allah geus ngawajibkeun ka aranjeun kudu puasa. Dina bulan èta, Al­lah mukakeun panto-panto surga sarta nutup lawang-lawang nara­ka (HR. Ahmad). Nèkadkeun dina hate ngeusian ku kataatan. Dia­jar ngeunaan bag-bagan hukum jeung sakabèh ibadah dina bulan Ramadhan. Jeung papagkeun Ra­madhan ku niat anu kuat pikeun ninggalkeun pidosaeun, jeung kabiasaan gorèng, siapkeun raga jeung jiwa, sarta pikeun da’wah.

BACA JUGA :  SAHUR OF THE ROAD RAWAN DENGAN TAWURAN PELAJAR

“Malah alusna mah nyieun ca­tetan ngeunaan kagiatan anu rèk dilaksanakeun dina bulan Rama­dhan kayaning, tadarus, datang ka majlis pangajian pikeun diajar agama,”saurna deui. Unggal taun, pikeun sababaraha kulawarga, Ramadhan tèh sok karasa bèda, sabab lamun dina taun kamari mah, saur jeung buka tèh lengkep kènèh, boa dina taun ieu mah aya anu geus ninggalkeun.

Komo anu sorangan mah meureun karasana tèh beuki cu­ang-cieung. Tapi kètang lalakon manusa mah geus dijieun tiditu­na, anu aya jadi euweuh, anu eu­weuh bisa jadi aya. Lamun ayeuna lengkep Ramadan taun hareup mah duka tèh teuing, boa urang anu geus teu bisa miluan puasa deui. Numatak meungpeung pua­sa hayu urang ronjatkeun amal ibadah urang dina ngeusian bulan shaum ieu, bisa teu kabagèan bu­lan puasa deui, hususna tarawèh jeung ngaderes Qur’an. Bisi èngkè ditanya, salila hirup geus sabara­ha kali hatam Qur’an?

Bagi Halaman
============================================================
============================================================
============================================================