Ditulis ku: DADANG H PADMADIREDJA
KURANG leuwih sapoè deui, uraÂng bakal asup kana bulan anu piÂnub berkah magpirah jeung anu leubeut ku pahala. Pikeun umat muslim (muslimah) geus pasti “wajib†kudu bungah ku kasumpÂingan ramdhan. Di Bogor, pada umumna, aya kabiasaan cucurak dina mapag ramadhan tèh.
Carana rupa-rupa aya anu ngabring ka hiji tempat bari tuÂluy muka bekel babarengan boh jeung kulawarga atawa jeung baÂbaturan, aya ogè anu ngan sauÂkur dahar bareng lamun ceuk urang Bogor mah papadangan. Cucurak, kabiasaan anu ngan aya dina mapag Ramadhan wungkul, bari jeung ditungtungan ku dahar bareng. Alus kagiatan samodèl kitu tèh, lain ngan saukur dahar wungkul, sabab di jerona tèh aya mageuhkeun silaturahmina.
Kagiatan ieu lamun teu di kantor atawa lembaga-lembaga, sok dilaksanakeun di lembur-lembur, duka di komplèk paimaÂhan mèwah, anu tatangga jeung tatanggana teu warawuheun mah. Lamun tèa mah dina sapopoèna tara papanggih kuÂlantara ku lobana kasibukan, dina waktu cucurak mah biasana tèh karumpul. Atuh aya alusna lamun dina waktu cucurak èta, aya silih hampura jeung silih du’akeun sangkan mulus rahayu, dipasihan kakiatan dina raraga ngajalankeun puasa anu bakal diÂhareupan.
Kagiatan sèjènna dina mapag sumpingna bulan suci tèh, di Kota Bogor baheula mah sok aya ngabedahkeun situ. Nu datangna ti mana mendi, dina poè èta mah kayaan di sakurilingeun situ ngaÂdadak jadi ramè pisan, boh nu ngadon ngala lauk atawa nu daÂragang.
Saujratna kagiatan kawas kieu tèh kudu dipiara sarta tuluy tuÂmuluy dilangsungkeun sabab bisa ngahudangkeun potènsi èkonomi pikeun masarakat satempat. Pan meureun anu daragang kadahaÂran, inumeun tèh lolobana mah urang dinya. Malah mun bisa mah jadi kalènder kagiatan Dines KabuÂdayaan jeung Pariwisata satempat.
