Hariring-Dadang-HPDitulis ku: DADANG H PADMADIREDJA

“RÈK jam sabaraha miang tèh?” ceuk Mang Dudi , mamang kur­ing ti indung, nanyakeun ka anakna anu rèk ka Ciamis, nga­luuhan anak uwa anu rèk nika­han.

“Engkè wè pa ba’da Isya, ambèh salsè. Upami wengi mah rada rinèh, tos kitu akad nikahna ogè pan tabuh sapuluhan. Jant­en kabujeng kènèh ngahadiran walimah mah,” tèmbal Kusnan­dar.

“Naha kudu bada Isya, Kus? meureun taya waktu pikeun istirahat. Kacipta capèna mawa mobil sorangan mah,”kuring nanyakeun.

“Manawi kang, hoyong shalat berjamaah Isya heula di dieu. Upami Ba’da Ashar mah, kapameng ku Magrib, ma’lum perjalanan jaman kiwari mah, seueur pisan macètna, bilih pas wanci Magrib kaleresan di ten­gah jalan,”pokna tèh. Ngadèngè jawaban kitu tèh, kuring ngarasa reueus, bungah anu aya. Tètèl ajaran bapana, nerap pisan. Sa­bab di jaman kiwari mah, asa rada langka anu ngutamakeun kawajiban ahèrat, ngadasarkeun pagawèan anu bakal dilakonan ku ngaheulakeun kawajiban anu pangutamana.

Sabab pan umumna mah anu diburuna tèh waktu, nepi loba anu ninggalkeun kawa­jiban “ngadeuheus” ka Gusti Allah. Manusa leuwih loba anu sieuneun katinggaleun ku karèta api, kapal udara, kapal laut, ku­sabab kudu gawè, jangji jeung sasamana. Tapi jangji ka Allah loba anu diluli-luli, atawa dièng­kè-èngkè, keuna ku kecap kagok.

Kagok keur nganggeuskeun pagawèan, kagok keur rapat, ah pokona mah kagok ku sa­gala urusan dunya. Loba anu rinèh, loba waktu kuasabab mè­mang kasabna teu diudag-udag teuing ku pagawèan, atawa anu geur rèngsè dina ngabaktikeun tanagana ka nagara, tapi dina palebah ibadah mah, angger wè henteu ngarasa salsè. Harianeun anu cicingna di wewengkon Ka­bupatèn Bogor, hèg boga kasab­na tèh di Jakarta, Indit samèmèh Subuh atawa janari leutik, mu­lang geus tengah peuting.

BACA JUGA :  JELANG LAGA MALAM INI, TIMNAS VS AUSTRALIA

Anu aya tèh ngan meunang capèna wungkul (lamun teu di­barengan ku ibadah mah). Sabab saur Ustad Dudi, lamun diibarat­keun shalat mah angka hiji, atawa tihang agama. Jadi lamun tihang­na teu diadegkeun, angka hijina tèh leungit. Ibadah lainna tèh jadi taya nilèyna pisan, sabab rèk di­mana “disangsangkeunana”.

Waktu di jaman kiwari, jadi hiji “benda” anu kacida gedè nilèyna. Lamun ceuk bangsa deungeun, time is money, ceuk urang Sunda mah, wanci tèh mustari, mangsa anu utama. Dina Qur’an ogè jèntrè pisan, dina Suat Al –Ashar, kumaha pentingna waktu dina kahirupan manusa sapopoè.

Demi wanci. Satemenna jalma aya dina rugi

Demi wanci. Satemenna jalma aya dina rugi

Iwal anu iman. Iwal anu sholeh

Nu silih wasiatan. Dina bebeneran

Iwal anu iman. Iwal anu sholeh

Nu silih wasiatan. Dina kasabaran

Ku muru waktu sakapeung jalma teu malirè kana kasal­ametan dirina jeung nu lian, contona mangsa keur di lampu beureum, pan loba anu kèlu ny­emprung sanajan lampuna geus beureun atawa kakara konèng kènèh. Teu saeutik anu ngalump­atkeun mobilna di Jalan tol dina kacepetan anu diluar aturan, muru waktu. Saeutik pisan jalma anu ngautamakeun shalatna am­bèh rinèh.

BACA JUGA :  KURANG ELOK PRAMUKA BERUBAH DARI EKSKUL WAJIB JADI PILIHAN

Contona waktu dahar beurang, pan ahli leleb mah ngaheulakeun dahar tibatan shalat (kaasup kur­ing). Alesanana naha rèk husu da­har atawa shalat cenah.

“Lamun hayang husu shalat nya kudu dahar heula, supaya dina waktu shalat henteu inget kana dahar,”pokna tèh.

“Kumaha lamun keur da­har nyawa urang dicabut ku Allah, sawatara kawajiban pikeun ngadegkeun shala geus datang?” saur Ustad Dudi Mau­ludi satengah nanyakeun. Aèh enya, nya, Derekdek anjeuna ngagambarkeun yèn dina sapoè sapeuting anu waktuna 1440 menit, ngan ukur “kacocèng” 15 menit, lamun shalatna 3 menit. Sèsana? bisa jadi ibadah bisa ogè makasiat.

“Naha mani lolowodèh atuh ngan saukur nyisihkeun lima be­las menit, sawatara kani’matan anu ku Allah dipaparinkeun sarèbu opat ratus opat puluh menit dina sapoè sapeutingna. Ti mimiti ni’mat dahar, ni’mat sarè, ni’mat kiceup jeung nu lianna,”saur Ustad Dudi tatag pisan. Padahal nepi ka sababara­ha kali din Surah Arrohman Al­lah negeskeun, ni’mat naon deui ti Allah anu ku maranèh rèk di­bohongkeun? Subhanallah !

Bagi Halaman
============================================================
============================================================
============================================================